افغانستان سے آیا کوئی بھی شخص کورونا سے متاثر نہیں

فورس کے ترجمان نے بتایا کہ افغانستان سے منگل کو دہلی پہنچے 78 مسافروں میں سے کوئی بھی کووڈ-19 سے متاثر نہیں ہے۔

افغانستان سے منگل کو بھارت لائے گئے 78 افراد کو ہند تبت سرحدی پولیس کے مرکز میں کورنٹائن کیا گیا ہے، حالانکہ کورونا جانچ کے دوران ان میں سے کوئی بھی کورونا سے متاثر نہیں پایا گیا۔

فورس کے ترجمان نے بتایا کہ افغانستان سے منگل کو دہلی پہنچے 78 مسافروں میں سے کوئی بھی کووڈ-19 سے متاثر نہیں ہے۔ انہوں نے کہا کہ ان تمام لوگوں کو آئی ٹی بی پی کے چھاولا کیمپ میں کوارنٹائن کیا گیا ہے۔

واضح رہے کہ افغانستان میں طالبان کے کنٹرول کے بعد بیرون ملک کے لوگ بڑی تیزی سے افغانستان چھوڑ رہے ہیں، طالبان نے پناہ گزینوں کے انخلا کی تاریخ 31 اگست مقرر کی ہے، جس کے لیے بیرون ملک اپنے طیاروں کے ذریعہ وہاں پھنسے لوگوں کو نکال رہے ہیں۔ بھارتی فضائیہ نے بھی دلچسپی دکھائی ہے اور خصوصی طیارہ کے ذریعہ درجنوں مسافروں کو بھارت پہنچایا ہے۔