حیدرآباد؛آج پورا ملک آزادی کی 75 ویں سالگرہ منا رہا ہے۔ آزادی کے اس دن پر عام لوگوں سے لے کر بالی ووڈ کے مشہور شخصیات تک ہر گھر ترنگا مہم کے تحت اپنے گھروں پر قومی پرچم لگا رہے ہیں۔ وہیں بالی ووڈ سپر اسٹار شاہ رخ خان بھی اپنی پوری فیملی کے ساتھ اس جشن میں شامل ہوئے اور اپنے بنگلے 'منت' پر قومی پرچم لہرایا۔ اتوار کی شام شاہ رخ نے سوشل میڈیا پر بیوی گوری خان اور دونوں بیٹوں آرین خان اور ابرام خان کے ساتھ ترنگا لہراتے ہوئے ایک ویڈیو اور تصویر شیئر کی۔SRK Hoists National Flag at Mannat
اس تصویر اور ویڈیو میں شاہ رخ اور گوری اپنے بیٹوں آریان اور ابرام کے ساتھ ترنگا لہراتے نظر آ رہے ہیں۔ اس موقع پر سبھی سفید لباس میں زیب تن نظر آرہے ہیں۔ شاہ رخ، آرین اور ابرام نے سفید ٹی شرٹ پہن رکھی ہے۔ وہیں گوری خان آف وائٹ بلیزر جینز میں نظر آ رہی ہیں۔