Bear Attack In Udhampur:ریچھ کے حملے میں لڑکی زخمی

جموں صوبے کے ضلع ادھمپور کے تحصیل رام نگر کے راسین نامی علاقے میں ایک ریچھ کے حملے میں 15 سالہ لڑکی زخمی ہوئی ہے۔

اطلاعات کے مطابق ضلع ادھمپور کے تحصیل رام نگر کے راسین علاقے میں ایک آدم خور ریچھ نے ایک 15 سالہ لڑکی پر حملہ کرکے زخمی کیا ہے۔ تفصیلات کے مطابق لڑکی کی شناخت آرتی دیوی دختر جگدیش چندر کے طور پر ہوئی ہے۔

اگرچہ زخمی لڑکی کو فوری طور پر رام نگر کے سب دسٹرکٹ اسپتال میں داخل کرایا گیا جہاں پر ان کی ابتدائی طبی علاج دینے کے بعد انہیں ادھمپور کے ضلع اسپتال روانہ کیا گیا ہے۔

آپ کو بتادیں کہ ان دنوں جموں و کشمیر کے متعدد علاقوں میں جنگلی جانوروں کے انسانی بستیوں میں رخ کرنے کے اطلاعات موصول ہوتی ہیں۔ان جنگلی جانوروں کے انسانی بستیوں میں آنے سے لوگوں میں خوف کا ماحول پیدا ہوا ہے۔

لڑکی کے والد نے متعلقہ محکمہ اور ضلع انتظامیہ سے ان جنگلی جانوروں کی روک تھام کے لیے اقدام کرنے کی اپیل کی ہے،تاکہ کسی بھی بڑے حادثے سے بچا جائے۔