Ashok Koul On Leaders Arresting کسی کو بلاوجہ گرفتار نہیں کیا جائے گا اور اگر وہ بے گناہ ہیں تو اُنہیں رہا کیا جائے گا

علماء کی گرفتاری کے معاملہ میں بی جے پی لیڈر اشوک کول نے واضح کیا ہے کہ کسی کو بلاوجہ گرفتار نہیں کیا جائے گا اور اگر وہ بے گناہ ہیں تو اُنہیں رہا کیا جائے گا۔ Ashok Koul On Leaders Arresting

سری نگر:بی جے پی کے جنرل سیکریٹری اشوک کول کا کہنا ہے کہ کسی کو بلا وجہ گرفتار نہیں کیا جائے گا۔ بعض علماء کی گرفتاری پر انہوں نے کہا کہ اُن کو بھی موقع دیا جائے گا اور اگر وہ بے گناہ ہیں تو اُن کی رہائی عمل میں لائی جائے گی۔ ان باتوں کا اظہار کول نے میڈیا سے بات چیت کے دوران کیا۔ انہوں نے کہا کہ جموں وکشمیر انتظامیہ لوگوں کو سبھی سہولیات میسر رکھنے کی خاطر زمینی سطح پر اقدامات اُٹھا رہی ہے۔ Ashok Kaul has said that scholars will not be arrested unnecessarily

علماء اور مبلغین کی گرفتاری کے بارے میں پوچھے گئے سوال کے جواب میں اشوک کول نے کہا کہ کسی کو بلا وجہ گرفتار نہیں کیا جائے گا اور نہ ہی کسی پر پبلک سیفٹی ایکٹ نافذ کیا جائے گا۔ انہوں نے کہا:”اُن کو بھی موقع دیا جائے گا اور اگر وہ بے گناہ ہiN تو اُنہیں رہا کیا جائے گا۔“ قومی شاہراہ پر فروٹ سے لدی گاڑیوں کو روکنے کے بارے میں بھاجپا لیڈر نے کہا کہ اگر سڑک بند ہے تو اس میں سرکار کیا کرسکتی ہے۔

انہوں نے کہا کہ ٹرکوں کو زبردستی نہیں روک رہے ہیں بلکہ شاہراہ پر پسیاں گر آنے کے سبب سری نگر جموں شاہراہ کو بند رکھا جاتا ہے تاکہ جانی اور مالی نقصان سے بچا جاسکے۔ اُن کے مطابق موجودہ ایل جی انتظامیہ فروٹ سے لدی گاڑیوں کو آسان راہداری فراہم کرانے کی خاطر کوشاں ہے۔ انہوں نے بتایا کہ اگر شاہراہ بند ہے تو اس میں سرکار کیا کر سکتی ہے. پھر بھی جموں وکشمیر انتظامیہ نے اس ضمن میں متعلقہ محکمہ کو ہدایت دی ہے کہ شاہراہ پر میوے سے لدی گاڑیوں کی بلا خلل آواجاہی کو یقینی بنایا جائے۔

یو این آئی