بانڈی پورہ: گاندھی جینتی کے موقع پر صفائی مہم

گاندھی جینتی کے موقع پر سمبل میونسپل کمیٹی کی جانب سے سمبل مارکیٹ میں ایک ریلی نکالی گئی اور اس دوران لوگوں کو صاف صفائی کے حوالے سے بیدار کیا گیا۔

شمالی کشمیر کے ضلع بانڈی پورہ کے سمبل سوناواری میں سمبل میونسپل کمیٹی کی جانب سے 'گاندھی جینتی اور آزادی کا امرت مہوتسو' منانے کے حوالے سے ایک صفائی مہم کا انعقاد عمل میں لایا گیا۔

اس دوران سوناواری میں مختلف مقامات پر میونسپل کمیٹی سمبل کی جانب سے صفائی مہم کا اہتمام کیا گیا۔ اس سلسلے میں سمبل میونسپل کمیٹی نے گھر گھر صفائی صفائی کے حوالے سے لوگوں کو بیدار کیا۔

اس موقع پر سمبل میونسپل کمیٹی کے صدر و سیکرٹری کے علاوہ سمبل کے کئی معزز شہریوں کے جانب سے سمبل مارکیٹ میں ایک ریلی نکالی گئی اور اس دوران لوگوں کو صاف صفائی کے حوالے سے بیدار کیا گیا۔

اس موقع پر چیئرمین میونسپل کمیٹی سمبل کے صدر جہانگیر احمد نے کہا کہ 'آزادی کا امرت مہوتسو ہر شعبہ اپنے اپنے طریقے سے منا رہا ہے تاہم میونسپل کمیٹی نے اس کو منانے کے لیے ایک منفرد پہل شروع کی ہے۔ اس دوران وہ گھر گھر جاکر لوگوں کو صحت و صفائی کے حوالے سے بیدار کریں گے۔'

میڈیا سے بات کرتے ہوئے میونسپل کمیٹی چیئرمین جہانگیر احمد نے کہا کہ 'اس مہم کا مقصد صاف صفائی کا ایک ماحول پیدا کرنا ہے۔ انہوں نے کہا کہ 'وہ یہ مہم جاری رکھیں گے تاہم لوگوں کو بھی چاہیے کہ وہ اپنے آس پاس صاف صفائی رکھیں۔'