Grenade Attack: اننت ناگ میں سی آر پی ایف پارٹی پر گرینیڈ حملہ

اننت ناگ میں ہفتہ کے روز وومینز کالج اننت ناگ کے قریب نامعلوم عسکریت پسندوں نے سکیورٹی فورسز پر گرینیڈ سے حملہ کیا۔

اطلاع کے مطابق جنوبی کشمیر کے ضلع اننت ناگ کے کھنہ بل پہلگام روڈ پر نامعلوم عسکریت پسندوں نے سکیورٹی فورسز پر گرینیڈ پھینکا۔ اس دوران علاقہ میں گولیاں چلنے کی آوازیں بھی سنی گئیں۔

حملے کے فوری بعد فوج، سی آر پی ایف اور جموں وکشمیر پولیس نے جائے واردات پر پہنچ کر پورے علاقہ کا محاصرہ میں لے لیا۔

وہیں سکیورٹی فورسز نے علاقے میں بڑے پیمانے پر تلاشی کارروائی شروع کی ہے۔ پولیس نے اس سلسلے میں معاملہ درج کرلیا ہے۔