Rahul Gandhi On MahatmaGandhi میرا موازنہ گاندھی جی سے نہ کریں، راہل

کانگریس کے سابق قومی صدر راہل گاندھی نے کہا کہ ان کا موازنہ مہاتما گاندھی سے کرنا غلط ہے اور کہا کہ ان کا گاندھی جی سے موازنہ نہیں کیا جانا چاہیے۔ Rahul Gandhi On MahatmaGandhi

دوسہ: کانگریس کے سابق قومی صدر راہل گاندھی نے کہا کہ ان کا موازنہ مہاتما گاندھی سے کرنا غلط ہے۔ انہوں نے کہا کہ ان کا موازنہ گاندھی جی سے نہیں کیا جانا چاہیے۔ راہل گاندھی نے یہ بات آج یہاں بلونہ کلاں میں اپنی بھارت جوڑو یاترا کے دوران ایک جلسہ عام سے خطاب کرتے ہوئے کہی۔ Rahul Gandhi On MahatmaGandhi

انہوں نے کہا 'دیکھیے ابھی، ریاستی کانگریس کے صدر گووند سنگھ دوٹاسرا نے میرااورگاندھی جی کا موازنہ کیا، یہ بالکل غلط ہے۔ گاندھی جی کی جگہ کہیں اور ہے جب کہ میری جگہ کہیں اور، کوئی موازنہ نہیں ہونا چاہیے۔ کیونکہ وہ ایک عظیم انسان تھے۔ انہوں نے اپنی پوری زندگی ملک کی آزادی کے لیے دے دی۔ اگر وہ 10-12 سال جیل میں بھی گزاریں تو بھی ان کی جگہ کوئی اور نہیں بھر سکتا اور ان کے ساتھ میرا نام نہ لیا جائے، پہلی بات‘‘۔

انہوں نے کہا 'دوسری بات، میں کانگریس پارٹی کے اپنے دوستوں سے کچھ سخت بات کہنا چاہتا ہوں۔ دیکھیں، جو راجیو گاندھی جی نے کیا، جو اندرا گاندھی جی نے کیا، وہ شہید ہو گئے۔ انہوں نے جو کرنا تھا وہ کیا اور خوب کیا، لیکن کانگریس پارٹی کو ہر میٹنگ میں اسے نہیں دہرانا نہیں چاہیے۔ دیکھیں مہاتما گاندھی جی نے کیا وہ کردیا، کر دکھایا۔ اندرا گاندھی جی نے، جواہر لعل نہرو جی نے، راجیو گاندھی جی نے، سردار پٹیل جی نے جو کچھ کیا، وہ اچھا ہے، لیکن ہمیں یہ بتانا چاہیے کہ ہم عوام کے لیے کیا کرنے جا رہے ہیں، یہ زیادہ اہم ہے۔'

یو این آئی