بالاسور: اڈیشہ میں دردناک ٹرین حادثے کے بعد مرکزی وزیر ریل اشونی ویشنو نے آج صبح جائے حادثہ کا دورہ کیا اور اس حادثے کے بارے میں جانکاری حاصل کی۔ اس دوران مرکزی وزیر اشونی ویشنو نے صحافیوں سے بات کرتے ہوئے کہا کہ فی الحال ہماری توجہ بچاؤ اور امدادی کارروائیوں پر مرکوز ہے۔ انہوں نے کہا کہ اس حادثے کی اعلیٰ سطحی انکوائری کی جائے گی اور کمشنر آف ریلوے سیفٹی بھی آزادانہ انکوائری کریں گے۔ انہوں نے کہا کہ جو لوگ اس حادثے میں ہلاک ہوئے ہیں ان کے لواحقین کو اس سے متعلق مطلع کیا جا رہا ہے۔ جو مسافر زخمی ہوئے ہیں ان کا بہتر طریقے سے علاج کیا جائے گا۔ انہوں نے کہا کہ اس وقت ہماری پوری توجہ راحت اور بچاؤ پر مرکوز ہے۔
Odisha Train Accident مرکزی وزیر اشونی ویشنو نے جائے وقوعہ کا دورہ کیا
اڈیشہ کے بالاسور میں جمعہ کو ہوئے ٹرین حادثے کے بعد وزیر ریل اشونی ویشنو نے آج صبح جائے حادثہ کا دورہ کیا۔ اس دوران انہوں نے افسران سے بات چیت کی۔
Etv Bharat
مرکزی وزیر نے کہا کہ راستوں کو جلد ہی شروع کیا جائے گا۔ ضلعی انتظامیہ کی جانب سے گرین سگنل ملنے کے بعد اس پر کام شروع کر دیا جائے گا۔ ٹریک کی مرمت سے لے کر کوچوں کو ہٹانے تک متعلقہ مشینیں طلب کی گئی ہیں۔ مشینیں آج صبح ہی موقع پر پہنچ گئی ہیں۔ اس حادثے سے متعلق پوچھے گئے سوالات پر انہوں نے کہا کہ حادثے کی وجوہات تحقیقاتی رپورٹ آنے کے بعد ہی معلوم ہوں گی۔ انہوں نے کہا کہ اعلیٰ سطحی انکوائری کا حکم دے دیا گیا ہے۔ فی الحال ہماری توجہ راحت بچاؤ پر مرکوز ہے۔ اس حادثے میں اب تک 233 افراد کے ہلاک ہونے کی اطلاع ہے۔ اس تعداد میں اضافہ بھی ہوسکتا ہے کیونکہ زخمیوں کی تعداد 900 بتائی جا رہی ہے۔ زخمیوں میں سے کئی کی حالت تشویشناک بتائی جارہی ہے۔
یہ بھی پڑھیں : Coromandel Express Derails in Odisha اڈیشہ میں کورو منڈیل ایکسپریس مال گاڑی سے ٹکرا گئی، 233 ہلاک، 900 سے زائد زخمی