کورونا وائرس کے سبب ملک بھر میں لاک ڈاؤن کا سختی سے نفاذ ہے جس کی وجہ سے علی گڑھ کی تاریخی جامع مسجد میں بھی آج دوسرے ہفتہ میں جمعہ کی نماز ادا نہیں کی گئی۔
علی گڑھ انتظامیہ کی جانب سے گلی محلوں، چوک، چوراہوں پر اعلان کیے جارہے ہیں اور عوام سے اپیل کی جارہی ہے کہ وہ اپنے گھر پر ہی رہیں اور نماز بھی گھروں میں ہی ادا کریں۔
علی گڑھ شہر مفتی خالد حمید نے بتایا کہ 'میرے اپنے ستر سال میں یاد نہیں ہے کہ اس طرح کا اور یقینی طور پر ایسا کوئی واقعہ پیش آیا یہ جو اس وقت دیکھنے میں آرہا ہے'۔
انھوں نے مزید کہا کہ 'لیکن یہ حالات کی مجبوری ہے کیونکہ وبا اس طریقے سے یہاں پنجے گاڑھ چکی ہے جن سے بہت بڑے نقصان کا اندیشہ ہے اور یہ سمجھ داری ہی ہے کہ اس موقع پر احتیاط برتی جائیں، اسی احتیاط کے تحت ہم نے یہ فیصلہ کیا ہے مسجد میں جمعہ کی نماز ادا نہ کی جائے اور میں نے بھی اپنے گھر میں ہی ظہر کی نماز ادا کی'۔
