جسٹس سریش کمار کیت کی سنگل جج بینچ نے شاہ رخ پٹھان کی اس درخواست پر سماعت کی جس نے شمال مشرقی دہلی تشدد کے دوران پولیس کانسٹیبل پر بندوق تانی تھی، اس نے ٹرائل کورٹ کے اس حکم کو چیلنج کیا تھا جس نے 9 مئی کو اس کی ضمانت مسترد کردی تھی۔
دہلی ہائی کورٹ نے دہلی تشدد کے ملزم شاہ رخ پٹھان کی جانب سے دائر باقاعدہ ضمانت کی درخواست کی سماعت کے دوران بدھ کے روز کہا کہ 'جب وہ عوامی مقام پر بندوق لہرا رہا تھا تو اس نے اپنے والدین کے بارے میں نہیں سوچا تھا۔'
سریش کمار کیت کی سربراہی میں ہائی کورٹ کے سنگل ججوں کے بینچ نے کہا کہ جب وہ عوامی مقام پر بندوق لہرا رہا تھا تو اس نے اپنے والدین کے بارے میں نہیں سوچا تھا لیکن اب جب وہ مشکل میں پڑ گئے تو وہ اب اپنے والدین کو یاد کر رہے ہیں۔'
یہ مشاہدہ درخواست گزار کے وکیل ایڈوکیٹ اصغر خان کی جانب سے دی گئی گزارش کے جواب میں سامنے آیا، جب عدالت پٹھان کے ذریعہ دائر درخواست کی سماعت کررہی تھی ، جس نے فروری میں شمال مشرقی دہلی میں ہونے والے فسادات کے دوران پولیس اہلکاروں پر بندوق تانی تھی۔