వాగు దాటే క్రమంలో లారీ బోల్తా(lorry accident due to rain) పడింది. సూర్యాపేట జిల్లా చింతలపాలెం మండలం బుగ్గ మాదారం వద్ద లోలెవల్‌ వంతెనపై నుంచి వరద నీరు ఉద్ధృతంగా ప్రవహిస్తోంది. ఈ వాగు దాటేందుకు ప్రయత్నించగా.... దారి కనిపించకపోవడంతో వాగులో ఒకవైపునకు లారీ(lorry accident due to rain) ఒరిగింది. ప్రమాదంలో డ్రైవర్, క్లీనర్ సురక్షితంగా బయటపడ్డారు.
రాకపోకలకు ఇబ్బందులు
చిన్న వర్షం వచ్చినా వాగు పొంగిపొర్లుతోందని, రాకపోకలకు ఇబ్బందులు ఏర్పడుతున్నాయని స్థానికులు వాపోయారు. అధికారులు ఇప్పటికైనా స్పందించి... ఈ సమస్యకు శాశ్వత పరిష్కారం చూపాలని విజ్ఞప్తి చేస్తున్నారు. వాగులో పడిన లారీని బయటకు తీసేందుకు శ్రమిస్తున్నారు.