దాదాపు ఆరు నెలల తర్వాత తిరిగి రామోజీ ఫిల్మ్సిటీలో షూటింగ్ మొదలుపెట్టిన 'సోలో బ్రతుకే సో బెటర్' బృందం.. శుక్రవారంతో(సెప్టెంబరు 11) దానిని పూర్తి చేసింది. ఈ విషయాన్ని హీరో సాయిధరమ్ తేజ్ ట్వీట్ చేశారు. సరదా సరదాగా సాగిన మాసినిమా షూటింగ్ పూర్తయిందని రాసుకొచ్చారు.
ఈ సినిమాలో నభా నటేష్ హీరోయిన్. తమన్ స్వరాలు అందించారు. సుబ్బు దర్శకుడిగా పరిచయమవుతున్నారు. బీవీఎస్ఎన్ ప్రసాద్ నిర్మాత. త్వరలో విడుదలపై స్పష్టతనివ్వనున్నారు.
'ఆహా'లో 'బుజ్జి'గాడు
యువ కథానాయకుడు రాజ్ తరుణ్, మాళవిక నాయర్, హెబ్బా పటేల్ కలిసి నటించిన సినిమా 'ఒరేయ్ బుజ్జిగా'. ఎప్పటినుంచి థియేటర్లలో విడుదల చేయాలని భావించారు. ప్రస్తుత పరిస్థితుల్లో వాటిని తెరిచేలా కనిపించడం లేదు. అందుకే 'ఆహా' ఓటీటీలో తీసుకురానున్నట్లు శుక్రవారం ప్రకటించారు. అక్టోబరు 2 నుంచి స్ట్రీమింగ్ అవుతుందని తెలిపారు. విజయ్ కుమార్ కొండా దర్శకత్వం వహించగా, కె.కె.రాధామోహన్ నిర్మించారు.
శ్రియ 'గమనం' పాన్-ఇండియా వైపు
నటి శ్రియ శరణ్ ప్రధాన పాత్రలో నటిస్తున్న పాన్-ఇండియా చిత్రం 'గమనం'. శుక్రవారం ఆమె పుట్టినరోజు సందర్భంగా ఫస్ట్లుక్ను విడుదల చేశారు ప్రముఖ దర్శకుడు క్రిష్. తెలుగు, తమిళ, మలయాళ, కన్నడ, హిందీ భాషల్లో ప్రేక్షకుల ముందుకు రానుందీ సినిమా. సుజనా రావు దర్శకురాలు. ఇళయరాజా సంగీతాన్ని అందించారు. రమేష్ కారుటూరి, వెంకీ, జ్ఞాన శేఖర్ సంయుక్తంగా నిర్మిస్తున్నారు.