'అఖండ' తర్వాత అదే రేంజ్లో ఫుల్జోష్తో వచ్చిన నందమూరి నటసింహం బాలకృష్ణ నటించిన సినిమా 'వీరసింహా రెడ్డి'. భారీ అంచనాలతో రిలీజైన ఈ సినిమా సూపర్ హిట్ టాక్తో దూసుకుపోతోంది. తొలి రోజు నుంచే మంచి వసూళ్లను అందుకుంటూ బాక్సాఫీస్ వద్ద అదరగొడుతోంది. జనవరి 12న రిలీజైన ఈ చిత్రం నాలుగు రోజుల్లో వరల్డ్ వైడ్గా రూ.104కోట్ల గ్రాస్ వసూళ్లు సాధించినట్లు నిర్మాణ సంస్థ అధికారికంగా ప్రకటించింది. అయితే ఈ మూవీతో పాటే జనవరి 13న రిలీజైన చిరంజీవి-రవితేజ 'వాల్తేరు వీరయ్య' కలెక్షన్స్ పరంగా బాక్సాఫీస్ వద్ద మరింత వేగంగా దూసుకెళ్తోంది. ఇది మూడు రోజుల్లోనే ప్రంపచవ్యాప్తంగా రూ.108 కోట్లను సాధించింది.
కాగా, వీరసింహారెడ్డిలో బాలకృష్ణ యాక్టింగ్‌, యాక్షన్ సీక్వెన్స్ అభిమానుల‌ను విపరీతంగా ఆక‌ట్టుకుంటున్నాయి. బాలయ్య సరసన శృతిహాస‌న్‌, మలయాళీ భామ హ‌నీ రోజ్ హీరోయిన్లుగా నటించారు. బాలకృష్ణ సోద‌రిగా నెగెటివ్ షేడ్స్‌తో కూడిన క్యారెక్ట‌ర్‌లో వ‌ర‌ల‌క్ష్మి శ‌ర‌త్‌కుమార్ న‌టించింది. దునియా విజ‌య్ విల‌న్‌గా నటించారు. తమన్ సంగీతం అందించారు.