Stock Market: అదరగొట్టిన స్టాక్ మార్కెట్లు- సెన్సెక్స్​ 958 ప్లస్

15:44 September 23

స్టాక్ మార్కెట్లు రికార్డు స్థాయి లాభాలతో ముగిశాయి. సెన్సెక్స్ 958 పాయింట్లు పెరిగి మొట్ట మొదటిసారి 59,885వద్ద స్థిరపడింది. నిఫ్టీ 276 పాయింట్ల లాభంతో 17,823 వద్దకు చేరింది.

ఇంట్రాడే సాగిందిలా (Intraday)..

సెన్సెక్స్ 59,957 పాయింట్ల అత్యధిక స్థాయి (జీవనకాల గరిష్ఠం), 59,243 పాయింట్ల అత్యల్ప స్థాయిలను నమోదు చేసింది.

నిఫ్టీ 17,843 పాయింట్ల గరిష్ఠ స్థాయి (కొత్త గరిష్ఠం), 17,646 పాయింట్ల కనిష్ఠ స్థాయిల మధ్య కదలాడింది.

లాభనష్టాల్లోనివి ఇవే..

బజాజ్​ ఫిన్​సర్వ్​, ఎల్​&టీ, హెచ్​డీఎఫ్​సీ, యాక్సిస్​ బ్యాంక్​, ఇండస్​ఇండ్​ బ్యాంక్​ భారీగా లాభాలను నమోదు చేశాయి.

30 షేర్ల ఇండెక్స్​లో డాక్టర్​ రెడ్డీస్​, నెస్లే ఇండియా, ఐటీసీ మాత్రమే నష్టపోయాయి.

12:57 September 23

స్టాక్ మార్కెట్లు రికార్డు స్థాయి లాభాలతో దూసుకెళ్తున్నాయి. సెన్సెక్స్ 820 పాయింట్లకుపైగా లాభంతో నూతన రికార్డు స్థాయి అయిన 59,749 వద్ద ట్రేడవుతోంది. నిఫ్టీ 230 పాయింట్లకుపైగా లాభంతో కొత్త గరిష్ఠమైన 17,779 వద్ద కొనసాగుతోంది.

• బజాజ్ ఫిన్​సర్వ్​ దాదాపు 6 శాతం పెరిగింది. ఎల్​&టీ, యాక్సిస్ బ్యాంక్, రిలయన్స్ ఇండస్ట్రీస్​, ఎస్​బీఐ భారీగా పుంజుకుంటున్నాయి.
• డాక్టర్​ రెడ్డీస్​, ఐటీసీ, అల్ట్రాటెక్ సిమెంట్​, టీసీఎస్​, టెక్ మహీంద్రా స్వల్ప ఒడుదొడుకులు ఎదుర్కొంటున్నాయి.

11:50 September 23

స్టాక్ మార్కెట్లు భారీ లాభాల్లో స్థిరంగా కొనసాగుతున్నాయి. సెన్సెక్స్ దాదాపు 640 పాయింట్లు పెరిగి 59,565 వద్ద ట్రేడవుతోంది. నిఫ్టీ దాదాపు 190 పాయింట్ల లాభంతో 17,735 వద్ద ట్రేడింగ్ సాగిస్తోంది.

ఆర్థిక షేర్లు దూకుడు లాభాలకు ప్రధాన కారణంగా తెలుస్తోంది.

• బజాజ్ ఫిన్​సర్వ్​, యాక్సిస్​ బ్యాంక్​, ఎల్​&టీ, బజాజ్ ఫినాన్స్, ఎస్​బీఐ భారీ లాభాల్లో ఉన్నాయి.
• డాక్టర్ రెడ్డీస్​, ఐటీసీ, టీసీఎస్​, అల్ట్రాటెక్​ సిమెంట్​ ఒడుదొడుకులు ఎదుర్కొంటున్నాయి.

10:05 September 23

స్టాక్ మార్కెట్లు భారీ లాభాలతో దూసుకుపోతున్నాయి. సెన్సెక్స్ 540 పాయింట్లకుపైగా పెరిగి 59,474 వద్ద ట్రేడవుతోంది. నిఫ్టీ 160 పాయింట్లకుపైగా లాభంతో 17,713 వద్ద కొనసాగుతోంది.

• బజాజ్ ఫినాన్స్​, యాక్సిస్ బ్యాంక్, ఎస్​బీఐ, ఎన్​టీపీసీ, టాటా స్టీల్​ ప్రధానంగా లాభాల్లో ఉన్నాయి.
• టైటాన్​, డాక్టర్​ రెడ్డీస్​, టీసీఎస్​ మాత్రమే 30 షేర్ల ఇండెక్స్​లో నష్టాల్లో ఉన్నాయి.

09:11 September 23

STOCKS LIVE

స్టాక్ మార్కెట్లు (Stock Market today) గురువారం లాభాలతో ప్రారంభమయ్యాయి. బీఎస్​ఈ-సెన్సెక్స్​ (Sensex today) 380 పాయింట్లకుపైగా లాభంతో 59,315 వద్ద ట్రేడవుతోంది. ఎన్​ఎస్​ఈ-నిఫ్టీ (Nifty today) 120 పాయింట్లకుపైగా పెరిగి 17,668 వద్ద కొనసాగుతోంది.

• టాటా స్టీల్​, ఎస్​బీఐ, కోటక్ మహీంద్రా, యాక్సిస్ బ్యాంక్, పవర్​గ్రిడ్​ షేర్లు లాభాల్లో ఉన్నాయి.
• టైటాన్​, టెక్ మహీంద్రా మాత్రమే 30 షేర్ల ఇండెక్స్​లో ఒడుదొడుకులు ఎదుర్కొంటున్నాయి.

అంతర్జాతీయ సానుకూలతలు మార్కెట్ల లాభాలకు కారణంగా తెలుస్తోంది. ముఖ్యంగా చైనాకు చెందిన రియల్టీ గ్రూప్​ ఎవర్​గ్రాండ్​ బాండ్లకు వడ్డీ చెల్లించినట్లు ప్రకటన రావడం అంతర్జాతీయంగా సానుకూలతలు పెంచింది.