ఒలింపిక్స్ క్రీడల్లో పతకం సాధించిన మీరాబాయి చానుకు ప్రముఖ పిజ్జా తయారీ సంస్థ డోమినోస్ బంపర్ ఆఫర్ ప్రకటించింది. ఆమెకు జీవిత కాలం పాటు తమ పిజ్జాను ఫ్రీగా అందించనున్నట్లు వెల్లడించింది. టోక్యోలో పతకం సాధించిన తరువాత పిజ్జా తినాలని ఉందని చాను చెప్పడం వల్ల.. డోమినోస్ ఈ ఆఫర్ను ఇచ్చింది. ఈ మేరకు సంస్థ ట్వీట్ చేసింది.
మీరాబాయి చాను భారత్కు వెండి పతకం సాధించినందుకు గాను డోమినోస్ సిబ్బంది ఇప్పటికే వారి కుటుంబ సభ్యులకు పిజ్జాలను అందించారు.
"పిజ్జా తినాలన్న మీ కోరిక గురించి మేము విన్నాము. ఇక మిమ్మల్ని ఏ మాత్రం వేచిచూడనివ్వం. మీకు జీవితాంతం ఉచితంగా పిజ్జాను అందించాలని నిర్ణయించాం."
-డోమినోస్ పిజ్జా