నంద్యాల జిల్లాలో ఘోరరోడ్డు ప్రమాదం - ఇద్దరు మృతి మరొ ఇద్దరికి తీవ్రగాయాలు

స్థానికులు తెలిపిన వివరాల ప్రకారం నంద్యాల జిల్లా బనగానపల్లెకు చెందిన ఇక్బాల్ అనే వ్యక్తి తన భార్యకు నంద్యాలలో వైద్యం చేయించుకుని ఇంటికి తిరుగుపయనమయ్యారు. ఈ క్రమంలో భాస్కర్​ అనే వ్యక్తికి చెందిన ఆటో ఎక్కి ఇంటికి వస్తున్నారు. ఈ క్రమంలో ఆటో నూనెపల్లి వద్దకు చేరుకోగానే, ఎదురుగా గేదేలను ఎక్కించుకుని వస్తున్న లారీ వీరి వాహనాన్ని వేగంగా ఢీ కొట్టింది. ఈ ప్రమాదంలో ఆటో ఉన్న ఇక్బాల్​, ఆటో డ్రైవర్​ భాస్కర్​ అక్కడికక్కడే ప్రాణాలు కోల్పోయారు. ఆటోలో ప్రయాణిస్తున్న ఇక్బాల్​ భార్య నబిసా, కుతూరు ఆక్సలకు తీవ్రగాయాలయ్యాయి. గమనించిన స్థానికులు క్షతగాత్రులను నంద్యాల ప్రభూత్వాసుపత్రికి తరలించారు. ఆటోను ఢీ కొట్టిన గేదేల లారీ మరో లారీని ఢీ కొట్టిందని స్థానికులు అంటున్నారు. ప్రధాన రహదారిపై ప్రమాదం జరగడంతో గంటకు పైగా ట్రాఫిక్​కు ఆటంకం ఏర్పడింది.