గుడివాడ డివిజనల్ కోఆపరేటివ్ ఆఫీసర్ సస్పెండ్ - ఎందుకంటే?

జరిగిన సంఘటన ఇది:కృష్ణా జిల్లా గుడివాడ డివిజనల్ కో-ఆపరేటివ్ ఆఫీసర్‌గా విధులు నిర్వరిస్తున్న విజయలక్ష్మి, అధికార పార్టీ నేతల అండదండలతో ఇష్టారాజ్యంగా వ్యవహరిస్తూ, టార్గెట్లు పెట్టి మరీ పీఏసీఎస్‌ల నుంచి మామూళ్లు వసూలు చేస్తున్నట్లు ఆమెపై తీవ్రమైన ఆరోపణలు వచ్చాయి. గతంలో విజయలక్ష్మి వ్యవహార శైలిపై పలువురు అధికారులు సైతం పై అధికారులకు ఫిర్యాదు చేశారు. ఈ క్రమంలో విజయలక్ష్మిని సస్పెండ్ చేస్తూ కో-ఆపరేటివ్ కమిషనర్ బాబు ఉత్తర్వులు జారీ చేశారు. అవినీతి ఆరోపణలు, విధుల్లో నిర్లక్ష్యంపై విజయలక్ష్మిని సస్పెండ్ చేస్తున్నట్లు ఆ ఉత్తర్వుల్లో వెల్లడించారు.