Aeroplane on Road: లారీ ఎక్కిన విమానం.. చూసేందుకు ఎగబడిన జనం

ఆ విమానంలో రెస్టారెంట్ ఏర్పాటు చేసేందుకు దాన్ని తీసుకుని వచ్చినట్లు నిర్వాహకులు తెలిపారు. ఇటీవల కాలంలో చాలా రకాల రెస్టారెంట్లు అందుబాటులో ఉండగా.. వినూత్నంగా ఆలోచించి ఈ నిర్ణయం తీసుకున్నామని వారు చెప్పారు. ఆరుగురు వ్యక్తులు భాగస్వాములుగా చేరి "కర్నూలు సిటీ ఆన్ వింగ్స్ బై మార్స్" అనే పేరుతో నగరంలో రెస్టారెంట్ ఏర్పాటు చేస్తున్నామని తెలిపారు. విమానం కర్నూలు చేరుకోడానికి 15 రోజులు పట్టిందని నిర్వాహకులు అన్నారు. కర్నూలు ప్రజలకు ఆహ్లాదకరమైన వాతావరణంలో.. రుచికరమైన ఆహారాన్ని అందించేందుకు ఈ సరికొత్త ఆలోచనతో ముందుకు వచ్చినట్లు నిర్వాహకులు తెలిపారు. ఈ రెస్టారెంట్​ను జాతీయ రహదారికి ఆనుకొని ఉన్న దూపాడులో ఏర్పాటు చేస్తున్నారు. మరో రెండు నెలల్లో ఇది అందుబాటులోకి వస్తుందని యాజమాన్యం తెలిపింది.