కడప జిల్లాలో ఆక్సిజన్ అందక ఇద్దరు కొవిడ్ బాధితులు మృతి చెందారు. మైదుకూరు నియోజకవర్గం చాపాడు మండలానికి చెందిన మహిళతో పాటు, ప్రొద్దుటూరు పట్టణం ఆశ్రమం వీధిలో ఉంటున్న మరో వ్యక్తి ఆక్సిజన్ అందక మృతి చెందారు. ఈ రోజు తెల్లవారుజామున ఆక్సిజన్ పైపు పగిలిపోయిందని ఆసుపత్రి సిబ్బంది తెలిపారని బాధితుల కుటుంబ సభ్యులు చెబుతున్నారు. అయితే మృతులు ఆక్సిజన్ అందక మృతి చెందలేదని.. తీవ్ర అనారోగ్యంతో చనిపోయారని ఆసుపత్రి వైద్యులు తెలిపారు. ఆసుపత్రిలో ఆక్సిజన్ కొరత లేదని వైద్యులు వెల్లడించారు.