సింహాచలం దేవస్థానం ట్రస్ట్ బోర్డు మెంబర్గా ఆళ్ల భాగ్యలక్ష్మీ నియామక జీవోను సవాల్ చేస్తూ దేవి అనే మహిళ హైకోర్టులో హౌస్ మోషన్ పిటిషన్ దాఖలు చేసింది. ఈ పిటీషన్పై విచారణ జరిపిన ధర్మాసనం ప్రభుత్వం ఇచ్చిన జీవోను 8 వారాల పాటు సస్పెండ్ చేస్తూ మధ్యంతర ఉత్తర్వులు ఇచ్చింది. దేవిని దేవస్థానం ట్రస్ట్ బోర్డ్ మెంబర్గా తొలగించడం చట్టవిరుదమని పిటీషనర్ తరఫు న్యాయవాది అయ్యప్ప వాదనలు వినిపించారు.
వీటిని పరిగణలోకి తీసుకున్న ధర్మాసనం.. భాగ్యలక్ష్మిని నియమిస్తూ జారీ చేసిన జీవోను నిలుపదల చేస్తూ మధ్యంతర ఉత్తర్వులిచ్చింది. తదుపరి విచారణను 8 వారాలకు వాయిదా వేసింది. అప్పటివరకు దాడి దేవిని ట్రస్ట్ సభ్యురాలిగా కొనసాగవచ్చని తెలిపింది. దీనిపై కౌంటర్ దాఖలు చేయాలని ప్రభుత్వాన్ని ఆదేశించింది.