ప్రధాని విశాఖ పర్యటనపై సోము వీర్రాజు
PM Modi Visakha tour Schedule: భాజపా రాష్ట్ర అధ్యక్షడు సోము వీర్రాజు ప్రధాని మోదీ పర్యటనపై వివరాలు వెల్లడించారు. ప్రధాని మోదీ ఈనెల 11 సాయంత్రం 6:25కు విశాఖ వస్తారని పార్టీ తరఫున ఘన స్వాగతం పలికి, అనంతరం రోడ్ షో నిర్వహిస్తామన్నారు. ఈ సాయంత్రానికి ప్రధాని రోడ్ షో మార్గం నిర్ణయిస్తామని తెలిపారు. ఎన్ఏడీ కూడలి నుంచి పాత ఐటీఐ మార్గంలోగానీ లేదా బీచ్ రోడ్లో ఏర్పాటు చేస్తామన్నారు. 12న ఏయూ ఇంజినీరింగ్ గ్రౌండ్లో పలు కేంద్ర ప్రభుత్వ పథకాల శంకుస్థాపనలు, ప్రారంభోత్సవాలు చేస్తారని పేర్కొన్నారు. అనంతరం బహిరంగ సభ నిర్వహిస్తామని స్పష్టం చేశారు. ఈనెల 12న మధ్యాహ్నం 12.15కు ప్రధాని తిరిగి బయలుదేరి వెళతారని చెప్పారు. కేంద్రం ఇంతకాలం ఎన్నో పథకాలకు నిధులు ఇవ్వడంతో అనేక అభివృద్ధి పనులు పూర్తయ్యాయని అన్నారు. వాటిని ప్రధాని దేశానికి అంకితం చేస్తారని చెప్పారు.