ప్రకాశం జిల్లా ఒంగోలు పేర్నిమిట్ట సమీపంలోని మినో ఫామ్‌ ఔషధ పరిశ్రమలో భారీ అగ్ని ప్రమాదం జరిగింది. ఇవాళ ఉదయం 11:30 గంటలకు ఏసీ యంత్రాల వల్ల ఈ ప్రమాదం సంభవించి... రెండు అంతస్తులకు దట్టమైన పొగలు వ్యాపించాయని కంపెనీ ప్రతినిధులు పేర్కొన్నారు.
కరోనా కారణంగా ప్రభుత్వం అనుమతితో... పరిశ్రమలో నెల రోజులుగా శానిటైజర్లు తయారు చేస్తున్నారు. ప్రమాదం జరిగిన సమయంలో సుమారు 20 మంది కార్మికులు విధుల్లో ఉన్నారు. ప్రమాదంలో ఎలాంటి ప్రాణనష్టం జరగలేదని పరిశ్రమ ప్రతినిధి డాక్టర్.కమల పేర్కొన్నారు. పరిశ్రమలో కోట్ల విలువచేసే సామగ్రి కాలిపోయిందని తెలిపారు.