నెల్లూరు జిల్లా డక్కిలి మండలం పాతనాలపాడులోని నక్కల కాలనీలో ఒక ఇంట్లో రెండు నాటు తుపాకులను అటవీ శాఖ అధికారులు గుర్తించారు. జిల్లా అటవీశాఖ సమాచారం మేరకు ఈ తనిఖీ నిర్వహించినట్లు వెంకటగిరి రేంజ్ అధికారి రాజేంద్రప్రసాద్ తెలిపారు.
అటవీ జంతువులను వేటాడేందుకు.. ఈ తుపాకుల్ని తయారు చేసి అమ్మకాలు చేస్తున్నట్లు అనుమానాలు కలుగుతున్నాయని తెలిపారు. నిందితుల వద్ద దుప్పి చర్మం, కొమ్ములు, తుపాకీ తయారీ పరికరాలను స్వాధీనం చేసుకుని వెంకటగిరికి తరలించారు.