కర్నూలు జిల్లా ఆదోనిలో భారీ మొత్తంలో గుట్కా ప్యాకెట్లను పోలీసులు స్వాధీనం చేసుకున్నారు. పట్టణ శివారులో పోలీసులు తనిఖీలు నిర్వహిస్తుండగా.. ఆటోలో తరలిస్తున్న గుట్కా ప్యాకెట్లను గుర్తించి స్వాధీనం చేసుకున్నారు. ఈ దాడుల్లో ఎమ్మిగనూరుకు చెందిన ఇద్దరు వ్యక్తులపై కేసులు నమోదు చేసి, ఆటోను సీజ్ చేశారు. అక్రమంగా గుట్కా, మద్యం అమ్మేవారిపై కఠిన చర్యలు తీసుకుంటామని ఒకటో పట్టణ సీఐ చంద్రశేఖర్ హెచ్చరించారు.