Movie Chance Cheating: సినీనటులు, క్రికెటర్లతో ప్రకటనల్లో నటించే అవకాశం కల్పిస్తామంటూ భారీగా డబ్బులు వసూలు చేస్తున్న ఇద్దరు నిందితుల్ని సైబరాబాద్ సైబర్ క్రైమ్ పోలీసులు అరెస్టు చేశారు. వీరి నుంచి దాదాపు రూ.15లక్షల 60వేలు, నాలుగు స్మార్ట్ఫోన్లు స్వాధీనం చేసుకున్నారు. మహారాష్ట్రలోని పుణెకు చెందిన అపూర్వ అశ్విన్ దావా.. యూనివర్సిటీ ఆఫ్ కాలిఫోర్నియాలో మాస్టర్స్ పూర్తి చేశాడు. దర్శకత్వం, నటనపై ఇష్టంతో 20 ఏళ్ల పాటు మోడలింగ్లో కొనసాగాడు. ప్రముఖనటులు, క్రికెటర్ల ప్రకటనల్లో నటించే అవకాశాలిప్పిస్తామంటూ భారీగా డబ్బు వసూలు చేస్తున్న దంపతుల్ని సైబరాబాద్ సైబర్ క్రైమ్ పోలీసులు అరెస్టు చేసి రిమాండుకు తరలించారు.
రెండు బాలీవుడ్ చిత్రాల్లోనూ నటించాడు. విలాస జీవితానికి అలవాటుపడి అప్పులు చేసినా సినిమాల్లో అవకాశాలు రాలేదు. అప్పుడే చిన్నారులకు మోడలింగ్ అవకాశాలు పేరుతో మోసాలను పాల్పడాలని నిర్ణయించుకున్నాడు. తనతోపాటు మోడలింగ్ రంగంలో ఉన్న నటాషా కపూర్ ను వివాహం చేసుకున్నాడు. ఇతనికి ఆమె అనేక నేరాల్లో సహాయం చేసింది. తన మోసాల కోసం కాస్మోపాలిటన్మోడల్ పేరుతో వెబ్సైట్ రూపొందించాడు. దేశవ్యాప్తంగా వివిధ నగరాల్లో ఎక్కువ రద్దీగా ఉండే మాల్స్ మేనేజర్లతో మాట్లాడి చిన్నారులకు ర్యాంప్ వాక్లు నిర్వహించేవాడు. ఇలా చిన్నారులతో సహా షాపింగ్ మాల్కు వచ్చే తల్లిదండ్రులకు వల వేసి వీరిద్దరూ డబ్బులు దండుకునేవారు.