గుంటూరు జిల్లా తాడేపల్లి మండలం కొలనుకొండలోని ఓ అపార్టుమెంటుపై దాడిచేసిన పోలీసులు.. గంజాయి విక్రయిస్తున్న ఆరుగురు సభ్యుల ముఠాను అరెస్టు చేశారు. వీరి వద్ద నుంచి 1900 గ్రాముల గంజాయిని, హుక్కాను స్వాధీనం చేసుకున్నారు. నిందితులు సమీపంలోని ఓ ప్రైవేటు విశ్వవిద్యాలయంలో బీటెక్, బీసీఏ చదువుతున్న విద్యార్థులుగా పోలీసులు గుర్తించారు.
సొంత అవసరాలకు ఫీజులు
గంజాయికి అలవాటు పడి తల్లిదండ్రులు ఇచ్చిన ఫీజుల్ని సొంత అవసరాలకు వాడుకున్న విద్యార్థులు.. తర్వాత డబ్బులు అవసరమై గంజాయి విక్రయాలకు పాల్పడుతున్నారని ఎస్పీ అమ్మిరెడ్డి వివరించారు.