నాగులచవితి సందర్భంగా తిరుమలలో ఈరోజు సాయంత్రం శ్రీవారికి పెదశేషవాహన సేవ నిర్వహించబోతున్నారు. ఉభ‌య‌దేవేరుల‌తో క‌లిసి మలయప్పస్వామిగా దర్శనం ఇవ్వనున్నారు. అలాగే.. నేడు కపిలేశ్వరాలయంలో విశేష‌పూజ, హోమ మ‌హోత్సవాలు చేయబోతున్నట్లు ఆలయ అధికారులు తెలిపారు.
కాగా.. ఈ నెల 14వ తేదీన ద‌క్షిణాది రాష్ట్రాల సీఎంలు తిరుపతిలో భేటీ కాబోతున్నారు. అందువల్ల ఈనెల 13, 14, 15 తేదీల్లో వీఐపీ బ్రేక్ దర్శనాలు రద్దు చేసినట్లు వెల్లడించారు. అంతేకాకుండా ఈ నెల 12, 13 14 తేదీల్లో సిఫార్సు లేఖలు స్వీకరించబోమని కూడా వివరించారు. దాతలకు గదుల కేటాయింపును కూడా నిలిపివేశారు.