రోడ్డు ప్రమాదం: 13 నెలల పసిపాపతో సహా తల్లి మృతి

తిరుపతి రూరల్​ మండలం ఓటేరు వద్ద రోడ్డు ప్రమాదం జరిగింది. ఈ ఘటనలో పొత్తిళ్లలోని పసికందుతో సహా తల్లి మృతి చెందింది.

రోడ్డుప్రమాదంలో 13 నెలల పసిపాపతో సహా తల్లి మృతి చెందింది. ఈ ఘటన తిరుపతి రూరల్​ మండలం ఓటేరు వద్ద జరిగింది.
చంద్రగిరికి చెందిన ముని తేజోవతి (32), తన బిడ్డ కుందన(13 నెలలు)ను తీసుకొని తన తమ్ముడితో బైక్​పై అత్తగారి ఊరు నారాయణవనానికి బయలుదేరారు. తిరుపతి గ్రామీణ మండలం ఓటేరు వద్దకు రాగానే ఓ ట్రాక్టర్ వీరి బైక్​ను ఢీకొంది. ఈ ప్రమాదంలో తేజోవతి, కుందన మృతి చెందారు. తిరుచానూరు పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేపట్టారు.

ఇదీ చదవండి:ప్రేమజంట ఆత్మహత్యాయత్నం... కారణం ఏంటంటే..!