CI Nageswara Rao: హైదరాబాద్లోని మారేడ్‌పల్లి ఇన్‌స్పెక్టర్గా పనిచేస్తూ.. అత్యాచారం ఆరోపణలతో సస్పెండైన నాగేశ్వరరావును అదుపులోకి తీసుకున్నట్లు పోలీసులు వెల్లడించారు. బాధితురాలి ఫిర్యాదు, సాంకేతిక ఆధారాలను సరిపోల్చిన వనస్థలిపురం పోలీసులు ఆయన్ను ఆదుపులోకి తీసుకున్నారు. ఈ కేసులో పూర్తి విచారణ చేసిన తర్వాత రేపు అరెస్ట్ చేయనున్నట్లు వెల్లడించారు. ఎల్బీనగర్ ఎస్వోటీ కార్యాలయంలో నాగేశ్వరరావును పోలీసులు విచారిస్తున్నారు. ఈ నెల 6న బాధితురాలి భర్త కర్రతో దాడి చేయడంతో నాగేశ్వరరావు భుజానికి గాయమైందని తెలిపారు. చికిత్స అనంతరం నాగేశ్వరరావును అదుపులోకి తీసుకున్నామని ఎస్వోటీ పోలీసులు వెల్లడించారు.
TS News: పోలీసుల అదుపులో నాగేశ్వరరావు.. రేపు అరెస్ట్ చేసే అవకాశం !
మహిళను తుపాకితో బెదరించి అత్యాచారం చేసిన కేసులో అరెస్టైన మారేడ్‌పల్లి మాజీ ఇన్స్పెక్టర్ నాగేశ్వరరావును పోలీసులు అదుపులోకి తీసుకున్నారు. ఎల్పీ నగర్‌ ఎస్వోటీ కార్యాలయంలో విచారిస్తున్నారు. పూర్తి ఆధారాలను పరిశీలించిన అనంతరం రేపు అరెస్ట్ చేయనున్నట్లు పోలీసులు తెలిపారు.
పోలీసుల అదుపులో నాగేశ్వరరావు
అసలేం జరిగిందంటే:తన భర్తపై దాడి చేసి.. తనను అపహరించి ఇన్స్పెక్టర్ అత్యాచారం చేశాడని ఆరోపిస్తూ ఓ మహిళ హైదరాబాద్ వనస్థలిపురంలో ఫిర్యాదు చేసింది. స్పందించిన వనస్థలిపురం పోలీసులు ఇన్‌స్పెక్టర్‌పై కేసు నమోదు చేశారు. విషయం తెలుసుకున్న హైదరాబాద్ సీపీ సీవీ ఆనంద్.. అత్యాచారం, ఆయుధ చట్టం కింద నాగేశ్వర్‌రావును సస్పెండ్ చేస్తూ ఉత్తర్వులు జారీ చేశారు.
ఇవీ చదవండి
Last Updated : Jul 11, 2022, 4:05 PM IST