Palvancha Family Suicide Case Update: తెలంగాణలోని భద్రాద్రిలో వనమా రాఘవ అనుచరులపై పోలీసులకు రామకృష్ణ బావమరిది ఫిర్యాదు చేశారు. తనను వనమా రాఘవ అనుచరులు వేధిస్తున్నారని పోలీసులకు రామకృష్ణ బావమరిది ఫిర్యాదు చేశారు. ఫోన్లో బెదిరింపులకు గురి చేస్తున్నారని ఆవేదన వ్యక్తం చేశారు.
''మా బావ ఆర్నేళ్ల క్రితం వరకు పాల్వంచలోనే ఉండి వ్యాపారం చేసుకునే వాళ్లు. తర్వాత అక్కడ వ్యాపారం మానేసి.. రాజమహేంద్రవరంలో మా దగ్గరకే వచ్చి అద్దె ఇంట్లో ఉండేవారు. పాల్వంచలోని అమ్మ, అక్కతో.. బావకి ఆస్తి గురించి పంచాయతీ జరుగుతుందని తెలిసింది. ఆ క్రమంలోనే బావ.. మా చెల్లి, పిల్లలతో కలిసి తన సొంత గ్రామానికి వెళ్లాడు. మరుసటి రోజు తెల్లవారుజాము 3.30గంటలకే వారు చనిపోయినట్లు ఫోన్ వచ్చింది.