సీఆర్డీఏ చట్టం రద్దు, పరిపాలన వికేంద్రీకరణ బిల్లులపై హైకోర్టులో విచారణ జరిగింది. శాసనమండలి కార్యదర్శి, ఛైర్మన్ ఆదేశాలను పాటించేలా ఆదేశాలివ్వాలన్న తెదేపా ఎమ్మెల్సీ దీపక్ రెడ్డి పిటిషన్పై విచారించిన ధర్మాసనం.. ప్రభుత్వం తరఫున అఫిడవిట్ దాఖలు చేయాలని ఆదేశించింది.
మండలి ఆదేశాలను ధిక్కరించే అధికారం ఎవ్వరికీ లేదని.. శాసనమండలి ఛైర్మన్ ఆదేశాలను పాటించాల్సిందేనని పిటిషనర్ తరఫు న్యాయవాది వాదనలు వినిపించారు. దీనిపై ప్రభుత్వ ప్రధాన కార్యదర్శి, మండలి కార్యదర్శికి ఉన్నత న్యాయస్థానం నోటీసులిచ్చింది. తదుపరి విచారణను జూన్ 22కి వాయిదా వేసింది.