'ఫిబ్రవరి నుంచి పవన్ కల్యాణ్ ప్రజల్లోనే' - రోజుకు మూడు సభల్లో పాల్గొంటారు : నాదెండ్ల

రానున్న ఎన్నికలలో ఎలాగైనా విజయం సాధించేందుకు ప్రాంతాల వారీగా జనసేన పార్టీ 191 మందితో ఎన్నికల ప్రచార కమిటీని ఇటీవలే నియమించింది. ఈ బృంద సభ్యులతో మంగళగిరిలోని పార్టీ కేంద్ర కార్యాలయంలో మనోహర్ సమావేశమయ్యారు. రాబోయే ఎన్నికల్లో విజయాన్ని సాధించేందుకు ఈ సభ్యులు ఎంతో కీలకమన్నారు. రాబోయే రెండు నెలలు పార్టీ విజయం కోసం ఎంతో కష్టపడి పనిచేయాలని పిలుపునిచ్చారు. ప్రజలకు మేలు చేకూరేలా ఉమ్మడి మానిఫెస్టోను రూపొందిస్తున్నామని మనోహర్ తెలిపారు. జనసేన పార్టీ పోటీ చేయడానికి కావలసిన సీట్ల విషయం పవన్ కల్యాణ్, చంద్రబాబు చూసుకుంటారని మనోహర్ వెల్లడించారు.