ஆபத்தை உணராமல் வன விலங்குகளுடன் போட்டோ மற்றும் செல்பி எடுக்கும் சுற்றுலாப் பயணிகள்!

முன்னதாக, இதுபோன்ற செயல்களில் ஈடுபடுவோர் மீது கடுமையான நடவடிக்கை மேற்கொள்ளப்படும் என்று வனத்துறையினர் கூறி உள்ளனர். ஏனென்றால், நீலகிரி மாவட்டத்தில் கடந்த சில மாதங்களாக வனவிலங்குகள் தாக்கி பொதுமக்கள் உயிரிழப்பது அதிகரித்து வரும் நிலையில், தற்பொழுது சுற்றுலாப் பயணிகள் தடையை மீறி வனவிலங்குகளுடன் புகைப்படம் மற்றும் செல்பி எடுப்பது பெரும் ஆபத்தை ஏற்படுத்தக் கூடிய ஒன்றாகும். 

எனவே, சுற்றுலாப் பயணிகள் வனவிலங்குகளுடன் புகைப்படம் மற்றும் செல்பி எடுப்பதைத் தவிர்க்க வேண்டும் என வனத்துறையினரால் வலியுறுப்படுகிறது. மேலும், குன்னூர் மேட்டுப்பாளையம் தேசிய நெடுஞ்சாலையில் வாகன ஓட்டிகள் கவனமுடன் செல்லவும், அதிக ஒலி எழுப்புவதைத் தவிர்க்க வேண்டும் என அறிவுறுத்தப்பட்டு உள்ளது.