விழுப்புரம்: விழுப்புரம் மாவட்டத்தைச் சார்ந்த பழங்குடியின பெண் ஒருவர், மாவட்ட காவல் கண்காணிப்பாளர் அலுவலகத்தில் மனு ஒன்றை அளித்துள்ளார். அதில், “எனது கணவர் 2014ஆம் ஆண்டு செப்டம்பர் மாதம் உடல் நலம் பாதிக்கப்பட்டு இறந்துவிட்டார். எனது கணவரின் இறப்புச் சான்றிதழ் வேண்டி கடந்த செப்டம்பா் மாதம் (2023) விண்ணப்பித்திருந்த நிலையில், கிராம நிர்வாக அலுவலர் ஆரோக்கிய பாக்யராஜ், என்னிடம் 3 ஆயிரம் ரூபாய் லஞ்சமாகப் பெற்றுக் கொண்டார்.
தற்போது நான் விதவை உதவித் தொகை வேண்டி விண்ணப்பித்துள்ள நிலையில், கிராம நிர்வாக அலுவலர் எனது கைப்பேசி எண்ணில் அடிக்கடி தொடர்பு கொண்டு, தகாத முறையில் பேசி தொல்லை கொடுத்து வருகிறார். இதற்கான ஆதாரங்களையும் சமர்ப்பித்துள்ளேன். எனவே, அவர் மீது உரிய நடவடிக்கை எடுக்க வேண்டும்" என அந்த மனுவில் வலியுறுத்திக் கூறி இருந்தார்.