வேலூர் மாவட்டம் கொணவட்டத்தில் ரோசா (Roza) மசூதிக்குச் சொந்தமான சுமார் 12 ஏக்கர் நிலத்தை ஆக்கிரமிக்க முயன்றதாக வாணியம்பாடி தொகுதி சட்டப்பேரவை உறுப்பினரும், தொழிலாளர் நலத் துறை அமைச்சருமான நிலோபர் கபீல் மீது வேலூர் வடக்கு காவல் நிலையத்தில் மசூதி நிர்வாகிகள் புகார் அளித்துள்ளனர்.
நேற்று முன்தினம் (ஏப். 07) மாலை 5.30 மணி அளவில் அமைச்சர் நிலோபர் கபீலுடன் வந்த சிலர் நிலத்தை அளந்ததை அறிந்து சம்பவ இடத்திற்குச் சென்ற மசூதி நிர்வாகிகள், அதனைத் தட்டிக் கேட்டபோது இருதரப்புக்கும் இடையே மோதல் ஏற்பட்டுள்ளதாகவும் புகாரில் தெரிவித்துள்ளனர்.
இது தொடர்பாக அமைச்சர் நிலோபர் கபீலிடம் தொலைபேசி மூலம் தொடர்புகொண்டு கேட்டபோது, "கொணவட்டம் பகுதியில் உள்ள வக்பு வாரியத்திற்குச் சொந்தமான நிலத்தை நான் ஆக்கிரமித்ததாக எழுந்த புகாரில் உண்மை இல்லை.