விவசாயிகள் கடனைத் தள்ளுபடி செய்ய வேண்டும் என்று உச்ச நீதிமன்றம் உத்தரவிட்டுள்ள நிலையில் தமிழ்நாடு அரசு அதற்கான நடவடிக்கைகள் எடுக்காமல் காலம் தாழ்த்தி வருகிறது.
இதனால், விவசாயிகள் கடன் தள்ளுபடி, நகை ஏலம் ஜப்தியை நிறுத்த வேண்டும், வெங்காயத்தை அரசே நியாமான விலையில் கொள்முதல் செய்தல், 58ம் கால்வாயில் வருடம் முழுவதும் தண்ணீர் கிடைக்க வேண்டும், தமிழ்நாடு எல்லையில் மேற்கு தொடர்ச்சி மலையில் பெய்யும் மழைநீரை வீணாக அரபிக்கடலில் கலக்காமல் தடுப்பது, ஊட்டியில் பெய்யும் மழைநீரை மாயாறு வழியாக கர்நாடகத்திற்கு செல்லாமல் பவானி அணைக்கு திருப்பி விட வேண்டும் உள்ளிட்ட கோரிக்கைகளை வலியுறுத்தி தொடர் உண்ணாவிரத போராட்டம், தேசிய தென்னிந்திய நதிகள் இணைப்பு விவசாயிகள் சங்க தலைவர் அய்யாக்கண்ணு தலைமையில் தொடங்கியது. வரும் 8ம் தேதி வரை நடைபெறும் என்று அறிவிக்கப்பட்டுள்ளது.