தேனி மாவட்டம் வைகை அணை அருகே உள்ள ஜெயமங்கலத்தில் டாடா நிறுவனத்தின் காபி தொழிற்சாலை செயல்பட்டு வருகிறது. இங்கு பணியாற்றும் தொழிலாளர்கள் ஊதிய உயர்வு, பணி நிரந்தரம், வட்டியில்லாத கடனுதவி, குழந்தைகளுக்கான கல்வி உதவித்தொகை உள்ளிட்ட 24 அம்ச கோரிக்கைகளை வலியுறுத்தி கடந்த 8 மாதங்களாக ஆலை நிர்வாகத்தினருடன் பேச்சுவார்த்தை நடத்தினர்.
அதில் இதுவரை உடன்பாடு எட்டப்படாத நிலையில் கடந்த 6 நாள்களாக கால வரையற்ற வேலை நிறுத்த போராட்டத்தில் ஈடுபட்டு வருகின்றனர்.
இந்நிலையில், டாடா தொழிலாளர்களின் போராட்டத்திற்கு திமுக தேனி வடக்கு மாவட்ட பொறுப்பாளர் தங்கதமிழ்செல்வன், பெரியகுளம் எம்.எல்.ஏ சரவணக்குமார் ஆகியோர் நேற்று (நவ.20) நேரில் சென்று ஆதரவளித்தனர்.