திருவாரூர் மாவட்டம் நன்னிலம் அதன் சுற்றுவட்டார பகுதிகளில் சுமார் 50ஆயிரம் ஏக்கர் பரப்பளவில் விவசாயிகள் சம்பா தாளடி பணிகளில் ஈடுபட்டு வருகின்றனர். நன்னிலம், மாப்பிள்ளைகுப்பம், மூலமங்கலம், பனங்குடி, தூத்துக்குடி ,உள்ளிட்ட பகுதிகளுக்கு புத்தாற்றிலிருந்து பிரிந்து வரும் ராஜேந்திர பீ சேனல் கிளை வாய்க்கால் பாசனத்தை நம்பி ஐநூறுக்கும் மேற்பட்ட ஏக்கர் விளை நிலங்கள் உள்ளன.
இந்த மூலமங்கல வாய்க்காலிருந்து பிரியும் ராஜேந்திர பி சேனல் வாய்க்கால் கடந்த 10 ஆண்டுகளுக்கு மேலாக தூர்வாரப்படாததால் தற்போது வாய்க்கால் இருந்த தடயமே இல்லாமல் மாயமானது.
இதுதொடர்பாக விவசாயிகள் கூறுகையில், மூலமங்கல வாய்க்காலின் கிளை வாய்க்காலான ராஜேந்திர வாய்க்கால் மூலமாக கடந்த 10 ஆண்டுகளுக்கு முன்பு மேட்டூர் தண்ணீரை நம்பி சாகுபடி செய்து வந்தோம். தற்போது அந்த இடத்தில் தனியார் ரியல் எஸ்டேட் புரோக்கர்கள் வீட்டுமனை பட்டாக்களாக மாற்றிவிட்டனர்.