திருவண்ணாமலை: பஞ்சபூத தலங்களில் அக்னி தலமாக விளங்கும் திருவண்ணாமலையில் கார்த்திகை தீபத் திருவிழா வருகின்ற நவம்பர் 27ஆம் தேதி கொடியேற்றத்துடன் தொடங்கி, டிசம்பர் 6ஆம் தேதி அன்று அதிகாலையில் பரணி தீபமும், மாலையில் ஆறு மணி அளவில் அண்ணாமலையார் கோயில் பின்புறம் உள்ள 2,668 அடி உயரம் உள்ள அண்ணாமலையார் மலையின் மீது மகா தீபமும் ஏற்றப்படட உள்ளது.
இந்த கார்த்திகை தீபத் திருவிழாவுக்கு சுமார் 40 லட்சம் பக்தர்கள் வருவார்கள் என்று மாவட்ட நிர்வாகம் கணித்துள்ளது. இந்நிலையில் கார்த்திகை தீப திருவிழாவுக்கு வரும் பக்தர்களுக்கு தேவையான, பாதுகாப்பு மற்றும் அண்ணாமலையார் கோயிலில் மேற்கொள்ள வேண்டிய பாதுகாப்பு அம்சங்கள் குறித்து, வடக்கு மண்டல ஐஜி கண்ணன் நேற்று அண்ணாமலையார் திருக்கோயில் நேரில் ஆய்வு கொண்ட மேற்கொண்டார்.