மதுரை:மதுரையைச் சேர்ந்த வழக்கறிஞர் அருண் சுவாமிநாதன். இவர் உயர்நீதிமன்ற மதுரைக்கிளையில், நுகர்வோர் நீதிமன்றங்களில் காலியாக உள்ள பணியிடங்களை நிரப்பக்கோரி மனு ஒன்றினைத் தாக்கல் செய்திருந்தார். அதில், "தமிழ்நாடு முழுவதும் 32 நுகர்வோர் நீதிமன்றங்கள் உள்ளன. ஒவ்வொரு மாவட்டத்திலும் உள்ள நுகர்வோர் குறைதீர் நீதிமன்றத்தில், ஒரு தலைவர், 2 உறுப்பினர்கள் இருக்க வேண்டும்.
மதுரை மாவட்ட நீதிமன்றத்தில் தலைவர், உறுப்பினர்கள் இல்லாததால் பெரும்பாலான நாட்களில் நீதிமன்றங்கள் செயல்படுவதில்லை. வேறு மாவட்டத்தில் பணியாற்றும் நுகர்வோர் நீதிமன்ற தலைவர், உறுப்பினர்கள் வாரத்தில் ஒரு நாள் மட்டும் வந்து வழக்குகளை விசாரித்து ஒத்திவைத்து விட்டுச் செல்கின்றனர்.