காஞ்சிபுரம்: காஞ்சிபுரம் மாவட்டம், ஏனாத்தூர் பகுதியைச்சேர்ந்தவர், ஆரோக்கிய அருண். இவர் போக்குவரத்துக் காவலராகப் பணிபுரிந்து வருகிறார். இவருடைய மூத்த சகோதரர் சகாய பாரத், மாமல்லபுரம் துணை கண்காணிப்பாளர் அலுவலகத்தில் காவலராகப் பணிபுரிந்து வருகிறார். இவருடைய இளைய சகோதரர் இருதயராஜ், முதலில் காவல்துறையில் பணியில் இருந்தார் - தற்போது மாவட்ட கல்வி அலுவலகத்தில் பணிபுரிந்து வருகிறார்.
இவர்கள் குடும்பமாக சேர்ந்து பலரிடம் பண மோசடியில் ஈடுபட்டுள்ளனர். தாங்கள் பல்வேறு முதலீட்டுத் திட்டங்களில் முதலீடு செய்து வருவதாகவும், தங்களிடம் முதலீடு செய்பவர்களுக்கு அதிக வட்டி தருவதாகவும் ஆசை வார்த்தைகள் கூறி, பல கோடி ரூபாய் வசூலித்துள்ளனர். பொதுமக்கள் மட்டுமல்லாமல் உடன் பணிபுரியும் காவலர்களிடமும் பணத்தை வசூலித்துள்ளனர். இவர்களது குடும்பத்தினர் காவல்துறையில் இருப்பதால், அனைவரும் நம்பி பணம் கொடுத்துள்ளனர்.