பூந்தமல்லி - பெங்களூரு தேசிய நெடுஞ்சாலையை ஒட்டி காஞ்சிபுரம் மாவட்டம், ஸ்ரீபெரும்புதூர் அடுத்த பாப்பான் சத்திரம் பகுதியில் சுமார் 36 ஏக்கர் 28 சென்ட் நிலத்தை தனியார் நபர்கள் சிலர் ஆக்கிரமித்து பயன்படுத்தி வந்துள்ளனர்.
இது குறித்து ஸ்ரீபெரும்புதூர் வருவாய்த் துறை அலுவலர்களுக்கு தகவல் கிடைத்ததை அடுத்து அவர்கள் அங்கு சென்று விசாரணை மேற்கொண்டனர். அதில் இந்த இடத்துக்கான உரிய ஆவணங்கள் நில உரிமையாளர்கள் எனக் கூறியவர்களிடம் இல்லாமல் இருந்தது தெரியவந்தது.