திண்டுக்கல் :திண்டுக்கல் மாவட்டம் கொடைக்கானலில் கடந்த சில நாட்களாக மழை பெய்து வந்தது. இதனால் அங்குள்ள நீர்நிலைகள் அனைத்தும் நிரம்பியுள்ளன. இங்குள்ள மக்களுக்கு விவசாயமே பிரதானத் தொழிலாக இருந்து வருகிறது. கொடைக்கானலைச் சுற்றியுள்ள பள்ளங்கி, அட்டுவம்பட்டி, வில்பட்டி, பூம்பாறை, தாண்டிக்குடி, மன்னவனூர், செண்பகனூர் உள்ளிட்ட கிராமப் பகுதிகளில் காலநிலைக்கு ஏற்ப பயிர்களை விதைத்து அக்கிராம மக்கள் விவசாயம் செய்து வருகின்றனர்.
தற்போது பீன்ஸ், முட்டை கோஸ், கேரட், உருளைக்கிழங்கு, பட்டாணி உள்ளிட்ட காய்கறிகளின் பயிர்கள் பயிரிடப்பட்டுள்ளன. கடந்த சில நாட்களாக பெய்த மழையால், பயிர்கள் அனைத்தும் மழை நீரில் மூழ்கி அழுகி வருவதாக, விவசாயிகள் வேதனைத் தெரிவித்துள்ளனர்.
தொடர் மழையால் அழுகும் காய்கறிகள்