திண்டுக்கல் மாவட்டம் கொடைரோடு அருகே, தனது விவசாய நிலத்தில் மாடு மேய்ந்ததை கண்டித்த விவசாயியை இளைஞர் ஒருவர் தாக்கும் வீடியோ
திண்டுக்கல்:அம்மையநாயக்கனூர் கிழக்குத் தோட்டம் சிறுமலை அடிவாரப் பகுதியில் தர்மநாதன் (55) என்பவர் விவசாயம் செய்து வருகிறார். இவரது பக்கத்து தோட்டத்தைச் சேர்ந்தவர் பிட்டர் ஜேசு என்பவரது மகன் டேவிட் (38). இந்த நிலையில் நேற்று (பிப்.5) காலை டேவிட்டின் மாடு ஒன்று, தர்மநாதனின் விவசாய நிலத்தில் புகுந்து பயிர்களை தின்று சேதப்படுத்தியதாக கூறப்படுகிறது.
பயிர்களை மேய்ந்த மாட்டை விவசாயி தர்மநாதன் துரத்தி உள்ளார். இதனால் ஆத்திரமடைந்த டேவிட் மற்றும் அவரது தாய் ஆகிய இருவரும், தர்மநாதனை எட்டி உதைத்து கடுமையாக தாக்கினர். அப்போது இதனை தடுக்கச் சென்ற தர்மநாதனின் மனைவியையும் அவர்கள் தாக்கியதாக கூறப்படுகிறது.