தருமபுரி மாவட்டம் பாலக்கோடு அடுத்த வேப்பிலை அள்ளிவீரன் கொட்டாய் பகுதியைச் சேர்ந்தவர் கோவிந்தசாமி (55). இவர் தனது மாட்டுக்கு மக்காசோளம் தட்டு அறுப்பதற்காக ஜிட்டாண்ட அள்ளி பகுதியைச் சேர்ந்த தங்கவேல் என்பவரது நிலத்திற்குச் சென்றுள்ளார்.
அப்போது, வயலில் இருந்த மின் வயர் கோவிந்தசாமியின் காலில் சிக்கியுள்ளது. இதனால், மின்சாரம் தாக்கி சம்பவ இடத்திலேயே அவர் உயிரிழந்தார். இது குறித்து தகவலறிந்து சம்பவ இடத்திற்குச் சென்ற மகேந்திரமங்கலம் காவல் துறையினர், கோவிந்தசாமியின் உடலை மீட்டு உடற்கூராய்வுக்காக தருமபுரி அரசு மருத்துவக் கல்லூரி மருத்துவமனைக்கு அனுப்பிவைத்தனர்.