தருமபுரியில் ஜன.21 ஆம் தேதி ஜல்லிக்கட்டு!

தருமபுரியில் ஜனவரி 21-ம் தேதி நடைபெறும் ஜல்லிக்கட்டு போட்டிக்கான கால்கோள் விழாவை அதியமான் ஜல்லிக்கட்டு பேரவையினர் நடத்தினர்.

தருமபுரி:தருமபுரி அதியமான் ஜல்லிக்கட்டு பேரவை சார்பில், இரண்டாம் ஆண்டு ஜல்லிக்கட்டு போட்டி தடங்கம் கிராமத்தில் ஜனவரி 21-ம் தேதி நடைபெற உள்ளது. இதற்கான கால்கோள் நடும் நிகழ்ச்சி இன்று (ஜன.2) நடைபெற்றது.

இந்நிகழ்ச்சியில் அதியமான் ஜல்லிக்கட்டு பேரவை மாவட்ட தலைவர் தாபா சிவா, மாவட்ட செயலாளர் கோவிந்தராஜ், முன்னாள் சட்டமன்ற பேரவை உறுப்பினரும் தருமபுரி திமுக மாவட்ட செயலாளருமான தடங்கம் சுப்பிரமணி உள்ளிட்டோர் கலந்துக்கொண்டு கால்கோள் நட்டனர்.

ஜல்லிக்கட்டு போட்டியில் தமிழகம் முழுவதும் இருந்து காளைகள் மற்றும் வீரர்கள் வருகை தர உள்ளதாகவும், சிறப்பான பார்வையாளர் மாடம் மற்றும் காளைகளுக்கு தேவையான வசதிகளை ஏற்படுவதற்கான பணிகள் முழுவீச்சில் நடைபெற்று வருவதாகவும் போட்டி ஏற்பட்டாளர்கள் தெரிவித்தனர்.

இதையும் படிங்க: ஸ்ரீரங்கம் ரெங்கநாதர் கோயிலில் சொர்க்கவாசல் திறப்பு