கோயம்புத்தூர் மாவட்டம் வால்பாறையில் தொடர்ந்து ஐந்து நாட்களாக கனமழை பெய்து வருகிறது. இதன் காரணமாக பல்வேறு இடங்களில் மண் சரிவு, மரங்கள் விழுந்து பல்வேறு வீடுகள் சேதமாகின. இந்நிலையில், வால்பாறையில் உள்ள எம்ஜிஆர் நகரில் ஸ்டெல்லா என்பவரின் வீட்டின் மீது மேல் பகுதியில் மரம் விழுந்து பாதுகாப்புச் சுவர் இடிந்து சேதமடைந்தது.
மேலும் புதிய பேருந்து நிலையம் அருகிலுள்ள டோபி காலணிக்குள் 10க்கும் மேற்பட்ட வீட்டினுள் மழை நீர் புகுந்துள்ளது. அரசுப் போக்குவரத்து கழக பணிமனையில் மழை நீர் புகுந்ததால் பணிமனையில் இருந்த இயந்திரங்கள் முழுவதும் சேதமடைந்தன.