கோவை: உக்கடம் பகுதியை சேர்ந்த 12ஆம் வகுப்பு மாணவி, கடந்த 2021இல் வீட்டில் தற்கொலை செய்து கொண்டார். அப்போது அவரது அறையில் இருந்து கைப்பற்ற கடிதம் ஒன்றில், தற்கொலைக்கான காரணம் குறித்து விரிவாக குறிப்பிடப்பட்டிருந்தது. அதில், முன்னாள் படித்த தனியார் பள்ளியின் இயற்பியல் ஆசிரியர் மிதுன் சக்ரவர்த்தி மாணவிக்கு பாலியல் தொல்லை கொடுத்ததாகவும், இது குறித்து பள்ளியின் தலைமை ஆசிரியர், மிதுனின் மனைவி அர்ச்சனா ஆகியோரிடமும் தெரிவித்தும் எந்த நடவடிக்கையும் எடுக்கவில்லை என தெரிவித்திருந்தார்.
மேலும், இந்த விவகாரத்தை வெளியில் கூறக்கூடாது என மாணவியை இயற்பியல் ஆசிரியர் மிதுன் சக்ரவர்த்தி மிரட்டியதாக கூறப்படுகிறது. இந்த வழக்கு தொடர்பாக அனைத்து மகளிர் போலீசார் மிதுன் சக்ரவர்த்தியை போக்சோ சட்டத்தில் வழக்குப்பதிவு செய்து சிறையில் அடைத்தனர்.
இதையும் படிங்க: மயிலாடுதுறை சயனைடு விவகாரத்தில் திருப்பம்.. மாவட்ட ஆட்சியர் அளித்த விளக்கம் என்ன?
மேலும் பள்ளி தலைமை ஆசிரியர் மீரா ஜாக்சனையும் போலீசார் கைது செய்தனர். கடிதத்தின் உண்மை தன்மையை கண்டறிய ஆய்வு மேற்கொள்ளப்பட்டு உறுதியானது. இந்நிலையில் சிறுமிக்கு சிறு வயதில் பாலியல் தொல்லையளித்த மாணவியின் வீட்டின் அருகில் வசித்து வந்த மனோஜ் ராஜ் மற்றும் முகமது சுல்தான் ஆகிய இரண்டு பேரை கைது செய்யப்பட்டனர்.