கோயம்புத்தூர்: இந்து மக்கள் கட்சி தலைவர் அர்ஜூன் சம்பத் கோவை செல்வபுரம் பகுதியில் வசித்து வருகிறார். இவர் தனது ட்விட்டர் பக்கத்தில் இரு பிரிவினரிடையே மோதலை ஏற்படுத்தும் விதமாக சர்ச்சைக்குரிய வகையில் பதிவிட்டதாக கூறப்படுகிறது.
அதற்கு பதில் அளிக்கும் விதமாக தடா ரஹிம் என்பவரும் சர்ச்சைக்குரிய வகையில் பதில் அளித்துள்ளார். இதை கவனித்த பந்தைய சாலை போலீசார் அர்ஜூன் சம்பத் மற்றும் தடா ரஹீம் ஆகிய இருவர் மீதும் இன்று (டிச.7) தனித்தனியாக வழக்குப்பதிவு செய்துள்ளனர்.