கோயம்புத்தூர்:நாட்டின் 75ஆவது சுதந்திர தின விழா வரும் ஆகஸ்ட் 15 ஆம் தேதி (ஞாயிற்றுக்கிழமை) கொண்டாடப்படுகிறது. அதனையொட்டி கோவை வ.உ.சி மைதானத்தில் பல்வேறு பிரிவுகளைச் சார்ந்த 200க்கும் மேற்பட்ட காவலர்கள் இன்று (ஆக.13) கரோனா பாதுகாப்பு வழிமுறைகளைப் பின்பற்றி முகக்கவசம் அணிவகுப்பு ஒத்திகையில் நிகழ்ச்சியில் ஈடுபட்டனர்.
வழக்கமாக சுதந்திர தினத்தன்று பள்ளி மாணவர்களின் கலை நிகழ்ச்சி உள்பட பல்வேறு நிகழ்ச்சிகள் நடைபெறும். ஆனால், கரோனா பரவல் காரணமாக கடந்த ஆண்டைப் போல் இந்த ஆண்டும் பள்ளி மாணவர்கள் நிகழ்ச்சிகள் ரத்து செய்யப்பட்டு காவல் துறையின் அணிவகுப்பு நிகழ்ச்சி மட்டும் நடைபெறவுள்ளது. கோவையில் இம்முறை புதிதாகப் பொறுப்பேற்றுள்ள மாவட்ட ஆட்சியர் சமீரன் கொடியேற்ற உள்ளார்.
காவலர்கள் அணிவகுப்பு ஒத்திகை நிகழ்ச்சி